ബാവുല്‍

Tuesday, 19 February 2013

അമ്മയെക്കുറിച്ച്....

പെങ്ങളെക്കുറിച്ചെഴുതാന്‍
പൊട്ടിപ്പോയ സ്ലേറ്റുകഷണം മതി.
പ്രണയിനിയെക്കുറിച്ചെഴുതാന്‍
പാതി പൊള്ളിയ ജീവിതം മതി.
ഭാര്യയെക്കുറിച്ചെഴുതാന്‍
ഒരു സിസേറിയന്‍ നിലവിളി മതി.
അമ്മയെക്കുറിച്ചെഴുതാന്‍
എനിക്കൊരു കവിതയായാല്‍ മതി.
എങ്ങനെ വായിച്ചാലും
അര്‍ത്ഥം ഇരട്ടിക്കുമല്ലോ....!!

1 comment:

Melvin Joseph Mani12 May 2015 at 05:25
അമ്മ സ്നേഹത്തിനു
ReplyDelete
Replies

Add comment

തോന്ന്യാക്ഷരങ്ങള്‍

ബാവുല്‍: കാറ്റ് എന്നര്‍ത്ഥം. തെറിച്ച കാറ്റുപോലെ അലഞ്ഞു നടന്നവനെ ബാവുല്‍ ഗായകനെന്നും വിളിച്ചു.

ഒരു അരക്കിറുക്കന്‍റെ തര്‍ക്കുത്തരങ്ങളാണിത്. എഴുതുന്നു.. എഴുതാന്‍ വേണ്ടിത്തന്നെ. അതില്‍ നിനക്ക് വല്ല നന്മയോ, കലിപ്പോ, പ്രകോപനമോ, തരി ആശ്വാസമോ അരിച്ചെടുക്കാനായാല്‍ അത് പേനത്തുമ്പിനും പേപ്പറിനും ഇടയിലെപ്പോഴോ വന്നു വീഴുന്ന ദൈവാംശമായി ഞാന്‍ കണക്കാക്കും...

എഴുത്താള്‍

മറ്റെവിടെ എന്നതിനേക്കാളും എന്നെ ഏറ്റവും നന്നായി തുറന്നുവയ്ക്കാന്‍ കഴിയുന്നത് എഴുത്തിടമാണെന്നതിനാല്‍ ഇവിടെ ഞാനുണ്ട്. എന്‍റെ നേരും നുണയുമുണ്ട്. പിന്നെ തട്ടിത്തെറിച്ചും പിച്ചിക്കീറിയും വാര്‍ന്നുവീഴുന്ന കുറേ ഭ്രാന്തുകളും. താളുകളില്‍ എനിക്കു പേര് നിധിന്‍ പനവേലില്‍. നാട് ചേര്‍ത്തലയ്ക്കടുത്തുള്ള പാണാവള്ളി. വയസ് -24.